L’enfant et le cancer en 2018 : conférence ce jeudi à 18h30 au Palais des Congrès d'Ajaccio
(A redazzioni d'Alta Frequenza) - U zitellu è u cancaru in u 2018 : a Liga contr'à u cancaru di Corsica Suttana urganizeghja ssu ghjovi u 15 di farraghju una cunfarenza nant'à u tema in u Palazzu di i cungressi d'Aiacciu à partasi da 6 ori è mezu. Oghij, i cancari di i zitelli raprisentani trà 1 è 2% di i cancari è si guariscini à guasgi 80%. Parcorsu di i curi, accumpagnamentu di i famighji, terapii adattati è mumenti difficiuli di l'annunziu sarani amintati da i medichi di l'uspidali di a Timone in Marseghja. Una cunfarenza impurtantissima, soprattuttu chì i zitelli corsi chì soffrini di ssa malatia devini patta, in più di què, un'inghjustizia liata à a luntananza, postu ch'elli devini essa curati in cuntinenti. I medichi a pudarani amintà cù i prufiziunali di a saluta, ma dinò parlà di u seguitu di a malatia in Corsica è di u ritornu in casa grazia à a reta cità uspidali.
Eccu l'intervista di u Duttori Angélique Rome, pediatru oncologu in a Timone, in Marseghja.
Sur le même sujet
