L'ADEC et Inizià signent une convention de partenariat
(A redazzioni d'Alta Frequenza) - Calchì ghjornu fà, l'Agenza di Sviluppu Ecunomicu di a Corsica hà signatu una cunvenzioni di partinariatu cù l'incubatori d'intrapresi Inizià. Ramintemi chì ss'ultimu hè un urgansimu di sustegnu à l'innuvazioni, chì cuntribuisci à a criazioni d'attività ecunomica è d'impieghi nant'à l'isula. Inizià t'hà dui missioni principali : l'incubazioni di prughjetti novi è l'animazioni di l'innuvazioni in Corsica, eppo u sustegnu à l'intraprinariatu è a missa in reta di i cumpitenzi. L'ADEC hà dicisu dunqua d'intensificà u so appoghju finanziariu grazia à ssa cunvenzioni pluriannuali, da fà chì u finanziamentu di ss'arnesi sighi stabilizatu di modu pienu è chì l'incubazioni publica pà i startups è i ghjovani intraprenadori isulani si fessi ind'i cundizioni i più boni.
Steti à senta à Ghjuvan Cristofanu Angelini, u presidenti di l'ADEC.
