L'ADEC è a Banca di Francia volini dà un soffiu novu à l'intrapresi
(Maria Lanfranchi - Alta Frequenza) - Signatura ssu marti d'una cunvenzioni trà a Banca di Francia è l'Agenza di u Sviluppu Ecunomicu di a Corsica. Ssa cunvenzioni porta nant'à u dispusitivu GEODE è si scrivi in u quadru di un'avvicinera glubali è cuerenti di a ristrutturazioni d'intrapresa. In fatti, a Cullittività di Corsica hà dicisu di fà di a privenzioni di i difficultà di l'intrapresi un inghjocu cintrali. Una vera pulitica d'intarvinzioni tarrituriali hè missa in ballu di fatti da l'ADEC, cù dinò u scopu chì ss'intrapresi truvessini un soffiu novu. A cunvenzioni signata ssu marti parmittarà dinò un accessu più faciuli è à bon pattu à a pristazioni GEODE prupostu da a BDF. C'hè inde sta pristazioni un asamini ecunomicu è finanziariu assai cumplettu, chì metti in evidenza i punti forti è sinsibuli di l'intrapresa.
Ritornu nant'à a pulitica ecunomica è nant'à u dispusitivu Geode cù Ghjuvan Cristofanu Angelini, u presidenti di l'ADEC.
Sur le même sujet
