Le Direct

Interdiction d'explorations pétrolières en Méditerranée : un appel historique signé à Ajaccio

(A redazzioni d'Alta Frequenza) - A Chjama d'Aiacciu ! Di sicuru, ùn hè micca l'Accordu di Parighji nant'à u clima, ma ssa Chjama, lampata mentri a cunclusioni ssu ghjovi di i 7esimi Assisi Naziunali di a Biodiversità in a Cità Impiriali, hè un attu puliticu è simbolicu maiò. Si tratta in fatti d'una risuluzioni, purtata da u presidenti di l'Esecutivu di Corsica, Gilles Simeoni, nant'à a dumanda d'interdizzioni di qualsiasi parmissu novu di pruspezzioni è di splurazioni petrulieri in Mediterraniu, validata da parechji centunai di participanti à ss'Assisi. Una risuluzioni chì hè stata firmata dinò da l'anziana ministra di l'Eculugia, Ségolène Royal, prisenti ssu ghjovi in Aiacciu, sottu u sguardu di a Secretaria di Statu attuali pà u ministru di a transizioni eculogica, Brune Poirson ; vultaremi di manera più spicifica nant'à a so visita corta ind'i nostri nutiziali chì venini. Un testu chì sarà trasmissu à i guverni, autorità è attori infrastatali aurupei è internaziunali da fà ch'elli pudissini pighjà tutti l'iniziativi utuli parmittendu di furmalizà u più prestu pussibuli a famosa interdizzioni.

Steti à senta à Gilles Simeoni, u presidenti di l'Esecutivu di Corsica, ben intesu assai cuntentu.