Incertitudes concernant la date des territoriales : montée au créneau d'A voce di a natura corsa
(A redazzioni d'Alta Frequenza) - Ùn si cunnosci ancu a data ufficiali di l'alizzioni tarrituriali chì devi essa urganizata à u mesi di dicembri. U 3 ? U 10 ? U dicretu pà a data di u prima è di u sicondu ghjiru ùn hè ancu statu presu è i sirvizi di u Statu ùn sò micca in capacità oghji di dà una risposta à i candidati. A lista "A voce di a natura corsa", purtata da Jean François Baccarelli, hà dicisu di lampà una chjama à u prifettu di Corsica è à u ministru di l'Internu nant'à una situazioni pessima di pettu à ssa mancanza d'infurmazioni chì inghjenna incertezzi dinò inghjiru à i dimarchji amministrativi nicissari è u tempu pà falli. A voce di a natura corsa firmarà dunqua attenti da fà chì i tempi ufficiali sighini rispittati d'una manera assai pricisa, o tandu u muvimentu si dici prontu à ghjirassi ver di tutti l'istanzi cumpetenti, o ancu à dumandà ch'ella sighi rinviata l'alizzioni da fà ch'ella ùn sighi micca fatta prestu è mali.
Steti à senta à Jean François Baccarelli.
Sur le même sujet
