Haute-Corse : le chômage baisse, mais pas les difficultés pour amener certains jeunes vers l'emploi
(A Ridazzioni d'Alta Frequenza) - In principiu di sittimana, in prifittura llu Cismonti, si sò accolti parichji attori di l’impiecu, di a furmazioni è di l’imparera, da fà u bilanciu llu 2018 par ciò chì toccà à u disimpiecu. Finita l’annata, erani 25760 i disimpiicati in Cismonti, vali a dì ch’in un annu, a calata hè stata di 1,9 %. Ma quantunca, ind’è quiddi di menu di 25 anni, è ind’è quiddi di più di 50 anni, una crescita ci hè. Da astradà iss’aienti à nantu à a via llu travaddu, i dispusitivi asistini, trà altri cosi cù l’imparera. In u 2018, 2125 parsoni sò stati aiutati cù azzioni varii, cù una spesa di 4,7 milliona d’auri. Un sò parfetti issi dispusitivi, è parichji cosi fermani à fà, masimu par ciò chì tocca à a so prumuzioni. Ed hè vera chì, ind’è i ghjovani pà u più, a infurmazioni pari ch’idd’ùn ghjunga à distinazioni.
Stemu à senta à Gérard Gavory, u prifettu llu Cismonti
