François Masini abattu à Moriani
(A redazzioni d'Alta Frequenza) - L'inchiesta principia dopu à u novu assassiniu di stamani (vennari) in Corsica Suprana. François Masini, 48 anni, hè statu tombu versu 10 ori è 55 in Muriani, nant'à a strada di Santu Niculau. I gendarmi ani trovu u so cadavaru, drentu à a so vittura tocca da parechji balli chevrotine, sicondu i primi elementi racolti. Mezi impurtanti di succorsi è d'inchiesta sò stati mandati sopralocu. Ùn si sà ancu par avà s'è a vittura di a vittima viaghjava o s'ella era arristata quand'ella hè stata tocca. A prifittura di Corsica hà aghjustatu, frà altru, chì François Masini era cunnisciutu da i servizii di pulizza, pà un arrubecciu armatu inde l'annati 1980.
Sur le même sujet
