Franck Paoli è ghjovani naziunalisti incarciarati : i liceani aiaccini mubilizati
(Michaël Andreani - Alta Frequenza) - Parechji centunai di liceani si sò aduniti ssu luni da mani davanti u palazzu di ghjustizia d'Aiacciu. Una mubilisazioni pà dinunzià i cundizioni di u trasferimentu di Franck Paoli in fin di simana passata in cuntinenti, ma dinò pà sustena dui ghjuvanotti incarciarati dipoi quattru mesi in Aiacciu dopu una manifistazioni davanti u cumissariatu. Pà ssi liceani, chì ani bluccatu i so stabilimenti rispittivi in principiu di matinata, "l'accanimentu di u Statu contr'à i naziunalisti è a ghjuventù corsa devi piantà".
Steti à senta à Battistu Capai, liceanu.
