Le Direct

Football (Ligue 2) - Le CA Bastia officiellement relégué en National après son nul face à Arles-Avignon (2-2)

(A redazzioni d'Alta Frequenza) - Hè fatta di manera ufficiali pà u CA Bastia, dopu à u risultatu à paru contr'à Arles Avignon, i bastiacci falani in Naziunali. Un scontru chì era bellu, parchì à partasi di a settesima minuta, hè M'Ba chì hà uffertu una prima rialisazioni à u CAB cù un tiru limpidu. Dui minuti dopu, i pruvinzali ani egualizatu cù Rodriguez. Ma a duminazioni cabista ùn hè micca firmata vana parchì à a 21a minuta, annant'à un centru, Moizini hà mandatu cù un'incapata putenti u ballò ind'a gabbia di Butelle. Dopu à a pausa, i visitori ani presu a suprana eppo egualizatu torna cù Dalé à a 61a, pà cuntinuà à duminà dopu senza riescia à vincia. À a classifica, u CAB, sempri ultimu, hè oramai troppu luntanu da a prima squadra fora di a zona rossa pà fà campà sempri a spera matematica.

Steti à senta a riazzioni di l'intrenori bastiacciu, Stéphane Rossi.