Football (Ligue 2) - L'AC Ajaccio arrache le point du match nul sur le terrain du Paris FC (1-1)
(A ridazzioni d'Alta Frequenza) - L’AC Aiacciu hè andatu à circà u puntu lla partita patta à nantu à u tarrenu di u parigi FC, quartu llu campiunatu, è miglior’ squadra lla Liga 2 pà issi tredici ultimu ghjurnati. In u primu tempu, l’aiaccini, spinti in tuttu, ani incasciatu un marcu, dopu ch’idd’achi persu u ballonu Boé Kane. Cù issu sbagliu, Nomenjanahary pirmittia à a so squadra di passà davanti. In la siconda parti llu scontru, l’uccasioni di marcà, pà l’uni o l’altri, sò stati pochi. À tempu intruti Yohan Cavalli è Matteo Tramoni, sò cambiati i cosi. Matteo Tramoni, à trè minuti lla fini, n’era guasgi à metta i dui squadri à paru. Eppo’, à a 93esima minuta, dopu à un calciu di pinalità ghjucatu finu da Yohan Cavalli, Mathieu Coutadeur marcaia. Issu puntu, coltu à l’ultima, dà 30 punta à l’AC Aiacciu, è li dà a 13esima piazza lla classifica, cù deci punti d’avanzu à nantu à i primi squadri in piriculu
Sur le même sujet
