Football (Ligue 1) - Présentation de Felipe Saad, la nouvelle recrue de l'AC Ajaccio
(A redazzioni d'Alta Frequenza) - L'AC Aiacciu cuntinueghja à rinfurzà si pà mantena si in Lega 1. In fatti, u difensori bresilianu, Felipe Saad, s'hè ingaghjatu oghji (luni) di modu ufficiali cù a squadra aiaccina fin'è u 2014. Iss'ultimu hè ghjuntu ind'a Cità Imperiali sabbatu scorsu. Hè un difensori di latu à manca atleticu (1m87, 83 chilò) di 28 anni chì ghjucava fin'è oghji in Evian, squadra cù a quali hè statu campionu di Francia di Lega 2, è dunqua prumossu in Lega 1, com'è l'ACA. Dopu à 100 partiti in siconda divisioni, è una Cuppa di Francia, ch'ellu hà guadantu cù Eduardo in u 2009 in Guingamp, Felipe Saad sbarca ind'a casa "Rossa è Bianca" cù a voghja sincera di rilevà a scumessa di u mantinimentu, ma brama dinò di ghjucà appena di più, ellu chì hè statu prisenti una sola volta issa staghjoni nant'à un tarrenu di Lega 1.
Écoutez la toute nouvelle recrue ajaccienne, Felipe Saad, heureuse de rejoindre l’ACA
Sur le même sujet
