Football (Ligue 1) - Le SC Bastia défait le Stade Rennais (1-0)
(A redazzioni d'Alta Frequenza) - Pà a tredicesima ghjurnata di Lega 1, u SC Bastia hà battutu u Stade Rennais 1-0. U Sporting hà principiatu u scontru di manera putenti assai purtatu à l'attaccu, una strategia chì hà viaghjatu, postu chì nant'à una bella apartura di Boudebouz, Bruno hà presu a suprana nant'à Armanda pà batta à Costil cù un tiru parfettu à a 7a minuta. Versu a mità di u primu tempu, Rennes hà ripresu a suprana ind'u ghjocu senza essa troppu periculosu davanti à a gabbia bastiaccia, a difesa essendu bè urganizata. Una paradossu chì cuntinuava ind'un sicondu tempu cù un ventu sempri di più viulenti è disturbendu i vintidui attori, Rennes fendu u ghjocu senza avè l'uccasioni i più belli, piuttostu à prò di u Sporting grazia à contri è corners. U cullettivu bastiacciu, torna una volta sulidariu, un'abitudina in casa, hè riisciutu hà resista è à tena ssu bellu risultatu chì parmetti à u Sporting di ricullà à u novesimu postu cù diciottu punti è d'avvicinà si à un picculu puntu di u cinquesimu.
Steti à senta l'intrenori bastiacciu, Frédéric Hantz.
