Football (Coupe de France) - Le CA Bastia éliminé au bout des prolongations à Angers (4-2 a.p.)
(A redazzioni d'Alta Frequenza) - Pà l'ottesimi di finali di a Cuppa di Francia, u CA Bastia si sarà bè battutu ma hè statu eliminatu nant'à u tarrenu di u SCO d'Angers, 4-2 dopu à i prulungazioni duranti un scontru cù dicisioni di l'arbitru chì ani missu in difficultà u CAB. Eppuru, sò bè i bastiacci chì ani scrittu a prima reta à a 31a minuta grazia à u nigerianu M'Ba. Un risultatu chì hè statu tinutu guasgi una mez'ora , parchì à a 57a, Ayari hà egualizatu pà Angers. Un sicondu tempu cù a sclusioni scema di Camara versu l'ultimu quartu d'ora di ghjocu, pà una cuntistazioni chì ùn era mancu appena gattiva. 1-1, era u risultatu à a fin di u scontru. È malgradu ss'inferiurità numerica, hè u CAB chì hè ripassatu davanti à a 102a nant'à un corner cù una rialisazioni di M'Ba, pà un tempu cortu malgradu tuttu parchì torna nant'à un corner, Diers hà egualizatu dui minuti dopu. Infini, u CAB hà cappiatu ind'u sicondu tempu di a prulungazioni, Yattara scrivendu una reta à a 112a pà Angers, prima d'essa imitatu da Blayac à a 114a. Una disfatta micca meritata pà u CABk, chì pudaria avè cunsiquenzi in più nant'à un mintali dighjà toccu.
Sur le même sujet
