Femu a Corsica se lance dans la ferveur, même sans le PNC
(A ridazzioni d'Alta Frequenza) - Duminica, Femu a Corsica s’hè avviatu ufficialmenti da partitu puliticu. Cacciati i militanti d’Inseme è di a Chjama, si hè pussutu veda ghjenti isciuti da u PNC, com’è François Alfonsi o Fabiana Giovannini, ma dinò parsunalità naziunalisti senza partitu sinu à oghji, com’è Paul-Jo Caituculi, chì pudaria avè una missioni impurtanti in u partitu. Dopu à u discorsu d’apartura di Gilles Simeoni, chì vidi u partitu com’è un ardignu pà l’emancipazioni llu Populu Corsu, hè stata eletta – ancu s’iddu si hè rigritatu ch’iddu manchi u PNC – a dirizzioni llu partitu. Unicu candidatu, Jean-Félix Acquaviva hè statu elettu sicritariu naziunali, affiancatu da un ghjovanu militanti di 28 anni, François Martinelli, chì sarà vici-sicritariu naziunali. Jean-Félix Acquaviva si hè filicitatu di a impurtanza di a mubilisazioni par Femu, cù i so 1200 adirenti. Ma malgradu issa prisenza, senza u PNC, Femu a Corsica ùn saria micca, in fin’di contu, una virsioni più maiori d’Insemi ? Sicritariu naziunali, diputatu, prisidenti llu cumitatu lla muntagna... Ùn sarani troppu i rispunsabilità pà una parsona sola ? Qualissa hè a ligna pulitica di Femu ?
À tutti issi quistioni, Jean-Felix Acquaviva circa à risponda ci. U stemu à senta
Sur le même sujet
