Evènement 66 de l'AC Ajaccio : Lulu Accorsi de retour à Timizzolu
(A redazzioni d'Alta Frequenza) - A sapeti, l'AC Aiacciu hà da fistighjà stasera, mentri a ghjunta di a squadra di Niort in campiunatu di Liga 2, i 50 anni di u so prima titulu di campionu di Francia di siconda divisioni è dunqua a so cullata in prima divisioni francesa. L'ACA hà da renda umaghju dunqua à i so anziani ghjucadori è dirighjenti duranti ssu ghjornu particulari. Nutrisciasi di u passatu pà crescia ver di l'avvena, eccu a filusufia di u club aiaccinu. Dipoi calchì ghjornu, Radiu Alta Frequenza, partinariu di l'evenimentu, vi pruponi di scuntrà un anzianu ghjucadori di u club di l'anni 60 è 70. Intrattenu oghji cù Lulu Accorsi, figura di prima trinca di l'ACA di ss'annati quì. Lulu Accorsi hà purtatu com'è ghjucadori i culori di l'ACA, ma dinò di u SEC Bastia, di u Stade de Reims è di Grenoble. Ma hè soprattuttu in qualità d'intrenori ch'ellu hè firmatu stampatu in ogni menti postu ch'ellu hà intrenatu in a so carriera una quindecina di clubs, in Africa, in Asia è di sicuru in Corsica. Hè statu l'ultimu intrenori di l'ACA prufiziunali in u 1974-1975, annata di a falata di u club ind'è l'amatori.
Steti à senta à Lulu Accorsi.
(Ritrattu Corse Matin)
Sur le même sujet
