Etat des négociations entre la Corse et le gouvernement : l'analyse du politologue André Fazi
(A redazzioni d'Alta Frequenza) - Scontru novu senza risultatu maiò in Parighji trà u Prima ministru è i presidenti di l'Esecutivu è di l'Assemblea di Corsica, pà a scrizzioni di a Corsica inde a Custituzioni. S'è Edouard Philippe hà accertatu ch'ellu ci sarà un articulu spicificu didicatu à a Corsica, ùn hà ancu precisatu inveci a pusizioni di u guvernu nant'à u so cuntinutu. U Prima ministru hà annunziatu solu chì una decina di ministri ghjunghjaria in furia nant'à l'isula, pà travaghjà nant'à sfarenti sughjetti. Pà u politologu Andria Fazi, s'è a doppia uppusizioni trà u guvernu è u Senatu hè difficiuli à supranà in u quadru di a riforma custituziunali glubali, u travaghju rializatu ss'ultimi simani pudaria ghjuvà pà l'avvena. In fatti, bisognu à cuntinuà un travaghju maiò nant'à i mintalità di l'alta amministrazioni francesi è i partiti pulitichi inghjiru à l'autunumia di a Corsica, pà trapassà "certi blucchimi psicologichi".
Steti à senta à Andria Fazi.
