Etablissement des PLU : les maires de Corse-du-Sud inquiets
(A redazzioni d'Alta Frequenza) - Una cuntistazioni, o ancu una manifistazioni davanti u purtonu di l'Assemblea di Corsica ! Eccu ciò ch'ellu hà dicisu ssu luni dopu meziornu l'associu di i merri di Corsica Suttana. In fatti, i merri pumuntinchi sperani d'uttena risposti chjari è pricisi nant'à l'imbrogliu amministrativu inghjiru à i parmessi di custruiscia. Tutti i ducumenti d'urbanisimu attuali, POS, PLU o carti cumunali, ùn sarani più valevuli à partasi di u 1a d'uttrovi di u 2018. Prublema : i dumandi d'apprubazioni di PLU missi in ballu da i cumuni voltani in ssu mumentu cù avisi negativi di l'Esecutivu di Corsica, di u Statu o ancu di i camari d'agricultura. Comu fà pà lià a legi ALUR è u PADDUC è fà chì i cumuni di Corsica ùn passessini micca sottu u regimi di u rigulamentu naziunali di l'urbanisimu ?
Steti à senta à Jocelyne Fazi, a presidenti di l'associu di i merri di Corsica Suttana, propiu inchieta.
