Enquête sur la diversité : le questionnaire n'aurait pas été diffusé selon le recteur
(A redazzioni d'Alta Frequenza) - Dopu a pulemica chì viaghja frà altru nant'à i reti suciali è dopu a pusizioni d'eletti numarosi cuncirnendu u quistiunariu chì saria statu diffusatu à l'elevi di Corsica, u rettori d'accademia hà vulsutu dà pricisioni. In un cumunicatu, faci sapè chì "un'inchiesta nant'à a diversità hè rializata in ssu mumentu da l'ESPE (Scola Superiori di u Prufissuratu di Corsica) di l'Università di Corsica". Aghjusta chì à partasi da ssu vennari u 17 di marzu, hà infurmatu tutti i stabilimenti sculari, grazia à i direttori accademichi di i dui dipartimenti chì quissa quì ùn pudaria essa diffusata nentru è da l'Educazioni naziunali. "Nisun quistiunariu hè statu dunqua missu in opara ind'i stabilimenti sculari", compii dunqua u rettori.
Sur le même sujet
