Energie en Corse: toujours le flou
(A redazzioni d'Alta Frequenza) - Ronan Dantec, u senatori Europe Ecologie les Verts di Loire Atlantique, hè in visita in Corsica in ssu mumentu. Hè u numaru unu di u gruppu eculugistu pà a transizioni energetica, ed hè statu presidenti di u gruppu di travaghju Guvernenza ind'u dibattitu naziunali maiò chì hà appruntatu una legi nova in materia energetica. Ind'u quadru di u so travaghju, Ronan Dantec hà lampatu una chjama à u ministru di l'Eculugia pà ciò chì tocca l'alimentazioni in gaz naturali di i cintrali termichi corsi. Ronan Dantec hà parlatu dinò di a PPI, a prugrammazioni pluriannuali di l'investimenti chì duvaria pighjà in contu ssa prublematica.
Steti à senta à Ronan Dantec.
