Elections syndicales dans les TPE : les précisions de la Direccte
(A redazzioni d'Alta Frequenza) - I salariati di l'intrapresi assai chjuchi - menu d'11 salariati - ani cuminciatu arimani (marcuri) à vutà ind'u quadru di a prima alizzioni di i sindicati incaricati di raprisintà li. Issu votu durarà fin'è u 12 di dicembri. Rammintemi chì quissu quì si faci o par currispundenza, o cù internet, è parmittarà di difiniscia a raprisintatività di l'urganisazioni sindicali ind'a so branca d'attività à u nivellu righjunali, ciò chì tocca 40% di i salariati di u privatu in Corsica. Par essa raprisintativi, l'urganisazioni duvarani uttena 8% di i voti naziunali è 30% pà pudè firmà un accordu, è neguzià cunvenzioni cullettivi nant'à i temi maiò di i sindicati. Rammintemi dinò chì l'urganisazioni stessa di iss'alizzioni hè stata criticata cù forza da i sindicati chì ani rigrettatu tutti i ritardi impurtanti custatati ind'a distribuzioni di u matiriali di votu è frà altru di l'attribuzioni ad ogni alittori di un codici parsunali parmittendu li di vutà nant'à internet. Arimani, a Direccte, più simpliciamenti l'anziana direzzioni di u travaghju, hà vulsutu risponda à issi critichi.
Écoutez Hervé Belmont, son directeur régional.
Sur le même sujet
