Denier 2018 : forfait Chjesa, abonnez-vous au forfait divin !
(A redazzioni d'Alta Frequenza) - « Forfait Chjesa, abonnez-vous au forfait divin ! » Hè cù ssu slogan chì a Ghjesgia di Corsica hà lanciatu in fin di simana scorsa a campagna di u Danaru 2018. Cù un affissu chì metti in risaltu un aspettu lighjeru è i tennulugii novi, ssa campagna voli essa quilla di l'innuvazioni, cù u scopu d'allargà u chjerchju di i dunatori è di fassi senta da i parsoni trà 30 è 50 anni. Una Ghjesgia chì voli essa dinamica, firmendu à tempu à fiancu à i so paruchjani chì cuntribuscini, cù i so doni, à fà campà u viscuvatu. Dopu à un'edizioni 2017 chì hè stata bona, si tratta oramai di cullà in putenza.
Steti à senta à Patrick Bouisse, l'economu di u Viscuvatu di Corsica.
