Le Direct

Déchets : le prix Nobel 2013 de l'environnement, Rossano Ercolini, était à Bastia

(A redazzioni d'Alta Frequenza) - L'auditorium di u museu di Bastia era troppu chjucu, ancu un sabbatu da mani, pà cuntena a ghjenti assai numarosa ghjunta pà a cunfarenza di Rossano Ercolini, premiu Nobel di l'Ambienti in u 2013 è presidenti di l'associu Zero Waste Europe. À u centru di ssa cunfarenza, a prublematica difficiuli di i rumenzuli, vera soma pà a Corsica dipoi parechji mesi, parchì ssu prufissori di i scoli hà revuluziunatu a vita di a so cità, Capannori, una cità di 43 000 abitanti di a pruvincia di Lucca, in Tuscana, sustinendu a missa in ballu di una pulitica di u senza rumenzuli chì hà parmissu, par avà, di sminuiscia di 90% a pruduzzioni di rumenzuli di ssa cità di una taglia chì pò essa apparagunata à quilla di Bastia, cù par asempiu una pulitica di spiccu assai attiva. Chì sò l'insignamenti inghjinnati da ssa sparienza ? I pupulazioni di u Mediterraniu ricevini bè ssi cambiamenti radicali è in furia ?

Steti à senta à Rossano Ercolini.