Cumunicazioni di u FLNC di u 22 d'uttrovi : riazzioni di Gilles Simeoni
(Michaël Andreani - Alta Frequenza) - Ùn ci pò essa un'antra strada cà quilla di a paci è di a demucrazia pà a Corsica è u so populu ! Eccu a riazzioni di u presidenti di l'Esecutivu di Corsica, Gilles Simeoni, dopu à a cumunicazioni di u FLNC di u 22 d'uttrovi nant'à Corse Matin. Ramintemi chì ind'u so cumunicatu, u muvimentu clandestinu hà chjamatu « d’una manera sulenna u populu Corsu à mubilizassi di modu massicciu è chjaru à partasi di u prima ghjiru di l’alizzioni tarrituriali chì venini vutendu pà a famighja naziunalista, fruttu di l’unioni di u muvimentu naziunali ». Pà i clandestini inveci, « hè impussibuli d’accittà chì a Francia cuntinuessi à fà neci d’ignurà u cunflittu chì l’upponi à a Corsica ». È d’aghjustà chì « s’è i stradi di u cambiamentu duviani firmà chjosi, pudaria purtà a nostra urganisazioni à riveda i so pusizioni nant’à a paci chì ùn hè mai custruita d’una manera unilaterali ». Ùn si pò piantà u prucedimentu di a fini di a clandestinità ; un acquistu ch'ellu ci voli à rinfurzà è à arradicà, pà u presidenti di l'Esecutivu di Corsica.
Steti à senta à Gilles Simeoni.
Sur le même sujet
