Coti Chjavari: le TA de Bastia annule trois permis de construire
(A redazzioni d'Alta Frequenza) - U tribunali amministrativu di Bastia hà annulatu oghji (marti) trè parmessi di custruiscia dati da Stéphane Bouillon, anzianu prifettu di Corsica ghjustu nanzi à a so partenza, pà ottu custruzzioni turistichi nant'à a cumuna di Coti Chjavari. L'associ U Levante è Le Garde si battiani contr'à ssi parmessi di custruiscia, micca legali d'appressu à elli è dati contr'à l'avisu di a DDTM (Direzzioni Dipartimintali di i Tarritorii è di u Mari). U 13 di nuvembri scorsu, u rapurtadori publicu avia suvitatu i richiesti di l'associ dumandendu l'annulazioni di ssi famosi parmessi pà "viulazioni di a legi liturali"; parmessi chì erani stati attribuiti à un capu d'intrapresa spicializatu ind'a risturazioni è l'asgi.
Sur le même sujet
