Le Direct

Convention de portage entre la ville d'Ajaccio et l'Office Foncier de Corse

(A redazzioni d'Alta Frequenza) - A cità d'Aiacciu hà signatu una cunvenzioni cù l'Uffiziu Fundariu di a Corsica pà l'acquistu di parechji lotti d'un palazzu pà fanni alloghji carrughju Frediani. A cumuna voli rializà un'uparazioni di missa in valori di u locu custruitu. U prughjettu privedi a criazioni di 4 à 6 alloghji suciali spartuti nant'à i lotti à u prima è à u sicondu pianu di u palazzu, cù l'intarvinzioni di un pruprietariu suciali. Pà a direzzioni municipali, l'azzioni di l'Uffiziu Fundariu hè impurtantissimu : parmetti di cuncintrassi nant'à u prughjettu, postu chì l'Uffiziu Fundariu faci soiu u prima acquistu à prò di l'istanza municipali. Parmetti dinò di purtà una riflessioni vera nant'à l'accunciamentu urbanu d'appressu à Stéphane Sbraggia, chì hà vulsutu incalcà nant'à a cuncertazioni bunissima trà i dui entità.

Eccu l'intervista di u prima aghjuntu à u merri d'Aiacciu.