CGT, FO è Solidaires occupani a direzzioni di i Finanzi Publichi di Corsica Suprana pà salvà l'impieghi
(Julien Pernici - Alta Frequenza) - Dipoi ssu ghjovi dopu meziornu, i sindicati CGT, Force Ouvrière è Solidaires occupani a direzzioni di i Finanzi Publichi di Corsica Suprana pà salvà l'impieghi. In fatti, u trasferimentu di u sirviziu prudutti diversi in Avignon hè ingaghjatu, ciò chì hà da inghjinnà suppressioni di posti ind'i finanzi publichi di Corsica Suprana. Dopu un scontru cù u prifettu di Corsica Suprana ssu marcuri, chì hà guarantitu à i sindicalisti di fà ricullà à u guvernu i so dumandi, vali à dì frà altru a stallazioni d'un sirviziu naziunali o interregiunali in Corsica Suprana è ben intesu u mantenimentu di u sirviziu Prudutti Diversi sopralocu, ssi sindicalisti ani dunqua sceltu d'occupà i casali da fà ch'elli principessini neguziati cù a direzzioni generali di i Finanzi Publichi.
Steti à senta à Jean Pierre Battestini pà a CGT.
