Assassinat d'Antoine Casanova : 14 ans requis à l'encontre de Ghjambattista Villanova
(A redazzioni d'Alta Frequenza) - I dumandi di u ministeru publicu ind'u prucessu nant'à a morti d'Antoine Casanova, ssu ghjovanu studienti tombu di farraghju di u 2010 in Cort, sò cunnisciuti. L'avucatu ghjinirali di a corti d'assisi di Corsica Suprana hà chersu una cundanna di 14 anni di prighjoni contr'à Ghjambattista Villanova. Hà riqualificatu i fatti d'umicidiu vulintariu in colpi è feriti avendu inghjinnatu a morti senza intenzioni di dà la. Hà dumandatu dinò un annu di prighjoni contr'à Jacques Moretti è Marc Gianetti, i dui amichi chì accumpagnavani à Ghjambattista Villanova a sera di a baruffa, parchì t'aviani un'arma è chì ùn ani micca purtatu aiutu à una parsona in periculu. Pà ciò chì tocca i trè amichi di a vittima, "ùn duvariani mai essa stati quì inde l'Assisi" hà pricisatu u ministeru publicu, dicendu à tempu ch'elli s'erani battuti quantunqua. Pà ssi fatti quì, trè mesi di prighjoni di modu attimpatu sò stati chersi. Ssu dopu meziornu (ghjovi), l'ultimi presi di parolli di a difesa ani principiatu pà una dicisioni aspittata dumani.
Sur le même sujet
