Le Direct

Alimentation en gaz de la Corse-du-Sud : problèmes et interrogations multiples pour Auropa Eculugia i Verdi

(A redazzioni d'Alta Frequenza) - Auropa Eculugia i Verdi tinia arimani (marcuri) cù associ di difesa di l'ambiu una cunfarenza di stampa in Aiacciu. Un puntu pà fà cunnoscia à u publicu u periculu pà a pupulazioni di i conchi di gaz di a stazioni di u Loretu, minaccendu di splusà, ma micca solu. In fatti, a canalisazioni ghjuvendu pà traspurtà u gaz liquificatu travirsendu u tarritoriu di a cumuna ver di issa stessa stazioni, hè trapassata è ruzzicata da a currusioni, prisintendu di fattu risichi impurtanti, d'appressu à l'avisu di a Direzzioni righjunali di l'ambiu, di l'accunciamentu è di l'alloghju di Corsica. A missa in cunfurmità di issa canalisazioni ùn essendu forsa micca pussibuli, u prifettu dumanda à a sucità GDF Suez Corsica di piantà ni a sfruttera à u più tardi da quì à 24 mesi. Aldilà di iss'aspetti primi, altri intarrugazioni spuntani. S'è una nova canalisazioni duvia essa custruita, quissa quì, di pettu à un costu finanziariu altu, ùn purtaria micca un gattivu colpu à u prughjettu Cyrénée, chì privedi l'alimentazioni di a futura cintrali termica è di a cità d'Aiacciu in gaz naturali ?

Les explications de Julia Sanguinetti, pour Auropa Eculugia i Verdi.