2nd tour des législatives : la Corse Insoumise veut rester fidèle à elle-même
(A redazzioni d'Alta Frequenza) - A campagna trà i dui ghjiri di i legislativi hè principiata ssu luni è l'ottu candidati sempri in corsa si dani di rimenu pà pudè vincia dumenica chì veni. Ind'è l'eliminati, i cumunicati d'analisi è i presi di pusizioni pà u sicondu ghjiru si multiplicheghjani. Par avà, u fattu di lacà i so alittori libari è d'ùn dà nisun cunsigna di votu hè a regula, ma micca pà tuttu u mondu. Hè u casu di la Corse Insoumise chì, s'ella hà da renda più fina a so pusizioni difinitiva trà ssu marcuri è ssu ghjovi, hà dighjà annunziatu, in a 1a circuscrizzioni di Corsica Suttana, senza surpresa, ch'ella ùn vutarà nè pà Jean Jacques Ferrara, u candidatu les Républicains, nè pà Maria Guidicelli, chì raprisenta la République en Marche.
Steti à senta à Jacques Casamarta pà la Corse Insoumise, chì hà racoltu guasgi 7% di i voti nant'à a circuscrizzioni duranti u prima ghjiru.
