Le Direct

Procès des gites ruraux : les parties civiles ont plaidé

(A redazzioni d'Alta Frequenza) - Seguita di ssa seiesima ghjurnata di u prucessu di l'alloghji campagnoli davanti u Tribunali Curriziunali di Bastia, è dopu à u passaghju di Paul Giacobbi à a barra, i parti civili ani avucatu. S'è l'avucatu di u cunsighju dipartimintali di Corsica Suprana hà stimatu chì i benefiziari duviani essa cundannati, puru solu à u civili, è ùn s'hè micca prununziatu nant'à l'altri privenuti, l'avucatu di l'associu ANTICOR, maestru Jérôme Karsenti, hè andatu più luntanu. In fatti, hà parlatu senza svianzi di un cartulari di curruzzioni pulitica arrimbatu à una custruzzioni "sistemica è clientelista" avendu com'è scopu "d'annacquà l'alittori", parchì d'appressu à ellu "una suvvenzioni ùn hè micca discreziunaria, è servi l'intaressu generali", è partasi da u mumentu induva l'intaressu particulari hè sirvutu, ùn semi più in u quadru di a funzioni publica ma inde quillu di a curruzzioni pulitica". L'avucatu di l'associu ANTICOR hà mustratu di fattu Paul Giacobbi com'è essendu d'appressu à ellu l'urdunatori di tuttu ciò chì hè pussutu accada in ssu cartulari, cartulari sicondu ellu chì dimostra una "porosità trà pulitica è grandi banditisimu" in Corsica. I dumandi di u ministeru publicu, raprisintatu da u prucuratori di a Republica di Bastia, Nicolas Bessone, sò in corsu è sarani cunnisciuti in a sirata.

Steti à senta à Jérôme Karsenti, l'avucatu d'ANTICOR.