Football (Ligue 1) - Chahir Belghazouani arrive à l'AC Ajaccio
(A redazzioni d'Alta Frequenza) - U marcatu di i trasferimenti s'accelereghja da u cantu di l'AC Aiacciu, chì hà da veda u so effettivu crescia, cù una quatriesima ghjunta pà issu marcatu 2012. Un accordu hè statu trovu in fatti cù u mezu uffensivu franco maruccanu, Chahir Beghazouani. U ghjucadori di 25 anni, natu in Purtivechju, hà principiatu a so carriera prufessiunali in Grenoble, nanzi di passà pà l'Ucraina à u Dynamo Kiev, è di parta dopu in Strasbourg, Neuchâtel (Sguizzara), Tours eppo infini in Zulte Waregem in Belgica. L'ecchisi internaziunali di i -17 anni di u Maroccu, eppo di i -20 anni francesi è di a categuria d'età sopra hà resiliatu u so cuntrattu cù a squadra belga, duva ellu ghjucava dipoi u mesi di ghjinnaghju scorsu.
Sur le même sujet
