Vigilance Jaune au vent ce mardi en Corse : jusqu'à 150 km/h attendus
I sirvizia di Meteo france ani missu una vighjulanza giadda parvia di u ventu in i dui dipartimenti di Corsica.
Issa vighjulanza hà da finiscia sta sera à sei ori in Cismonti è à novi ori in Pumonti.
A prifittura llu Cismonti hà dittu chì i buffulati pudariani tuccà i 150 chilomitra à l’ora.
Di matinata è in dopu meziornu, si pudariani tuccà i 120 chm à l’ora in Balagna. In Capicorsu, ghjunghjindu da u Liventi, u ventu pudaria tuccà i 130 à 150 chm à l’ora.
In i circonda bastiacci, duvaria tuccà u ventu i 90 o 100 chm à l’ora.
In fin’di ghjurnata, si duvariani appacià issi venta.
A prifittura llu Cismonti, chì dumanda à l’aienti di fà attinzioni, dà issi cunsiglia :
- Ùn accenda foca di vegetazioni (si ramenta ch’iddu hè difesu u focu sinu à u 30 di sittembri)
- Averta senza tricà s’iddu scappa un focu.
- Essa attenti bè à l’ugetti chì pudariani cascà.
- Assistà bè o lià l’ugetti sinsibuli à l’effetti di u ventu (tindoni, tendi è strutturi mobili).
- Un tuccà micca i fili elettrichi cascati in tarra.
- Ùn fà ni intarvinzioni à nantu à i tetta.
- Un dispiazzà si micca, s’idda ùn ci n’hè nicissità.
Sur le même sujet
