Quasquara : Mobilisation pour soutenir le Calvaire et appel à la raison
Duminica, si sò ritrovi uni beddi pochi di parsoni davanti à a cruci di Quasquara.
Abitanti di a pievi, motociclisti ghjunti da tutta a Corsica è militanti di a Ghjuvantù
Indipindintista sò ghjunti à dì quant’iddi erani attaccati à a tradizioni d’issi cruci in i paesa. Duveri di mimoria, rispettu di a storia : u merri di a cumuna hà fattu senta a so
ditirminazioni à mantena in piazza a cruci.
Paul-Antoine Bertolozzi hà ancu dittu a so incumpriinsioni, di pettu à l’azzioni d’una soia paisana, chì hà purtatu a municipalità in tribunali amministrativu à nomu di a laicità.
Ma a chì pudarà ghjuvà iss’affari, si hè quistiunatu u merri chì no’ stemu à senta.
A Ghjuvantù Indipindintista era chivi, ed hà fattu una cunfarenza di stampa davanti à a cruci, ripitindu ancu u so attaccamentu à i valori ch’idda riprisenta. Issi valori, pà a GI, ramentani a storia è i tradizioni.
Steti à senta à Ghjuvan’Battista Guiseppi.
Una diligazioni di a fraternità « Semper Immota » era prisenti à issu ritrovu.
Issi motociclisti, ghjunti da tutta a Corsica, erani chivi à sustena u merri.
Patrick, unu di i riprisintenti di « Semper Immota », hà dittu chì s’iddu s’accunsenti à dumandi cumpagni, si ni pudaria ghjunghja dopu à sprupositi ancu più pessimi.
Steti lu à senta.
