Magasins Casino en Corse : la CGT inquiète du flou persistant autour de la reprise de CODIM 2
Quali l’avarà da ripiddà i 19 magazena è i 1 300 impiicati di u gruppu CODIM2, chì s’accoddi à Géant Casino, à Casino Supermarché, ma ancu i so drive è grussisti alimintarii di Corsica ?
Par avali, issa quistioni risposta ùn n’hà. Sariani stati fatti quattru pruposti à a banca Rotschild, chì hè incaricata di venda d’un trattu à CODIM2, pà u contu di un gruppu Casino sfiatatu in tuttu, è chì si hà da lacà i so attività d’hyper è supermarcati toccu u trenta di ghjunghju.
Carrefour, Système U, un’accolta trà Leclerc è François Padrona è un’altra trà Auchan è Patrick Rocca sariani intarissati. A rivendita di u lottu intrevu saria assicurata, ma quali a sà s’iddi ùn sarani rivinduti certi magazena dopu, par forza o par amori ?
Chì l’auturità di a cuncurrenza calcosa pò avè à dì, masimu in Aiacciu, induva u numaru di i gran’ magazena hà da cumplicà a sorti di u Géant Casino di Mezavia. Di chì impinsiriscia à veru i impiicati è i sindicata. A perdita d’acquisti suciali è d’impieca pudaria essa u pessimu urisonti di i impiicati di CODIM 2.
Steti à senta à Jean Pastor, à nomu di u gruppu Casino france.
