Lutte contre les trafics de stupéfiants et intensification des saisies des avoirs criminels en Corse du Sud
Photo d'archives parquet d'Ajaccio
Marti, ci hè statu u cumitatu dirittivu righjunali di u GIR (u Gruppu d’Intarvinzioni Righjunali) incaricatu di pruceda, in u quadru di i inchiesti ghjudiziarii, à a presa di l’avè criminali, suttu à l’auturità di i maghjistrati lla pracura è di i maghjistarti struttori di u Pumonti.
Via issa riunioni, si hè pussutu fà un puntu à nantu à u valori di i presi d’avè criminali in u dipartimentu.
Nicolas Septe hà pricisatu chì a pulitica pinali missa in anda da a pracura d’Aiacciu par ciò chì tocca à a presa di l’avè criminali hè liata particularmenti à a lutta contru à i traffichi di droga è i rivinuti illeciti nati da issi traffichi
In u 2023, à senta ni u prucuratori sempri, « sò stati presi parichji vitturi è ariloghja di lussu ch’appartiniani à trafficanti, bè immubiliari è solda, pà un tutali di più di trè miliona, nienti chè in Pumonti, via 24 cartulari suvitati da u GIR ».
È veni mintuvatu « l’affari d’austu llu 2023, in u quadru d’un cartulari di trafficu di droga, purtatu à l’iniziativa di u GIR. Mentri issa inchiesta ghjudiziaria, sò stati intarpillati cù a DTPJ d’Aiacciu setti trafficanti, sò stati presi 93 chilò di pecia di canapu è setti chilò di cucaina.
A reti tocca in Piaghja à Liventi sparghjia a so robba in Cismonti, in i circondi aiaccini è in u Fretu. I setti parsoni sò stati missi in prighjoni, è li sò stati presi quattru veiculi, trà i quali u Porsche Cayenne chì ghjuvaia à carrià a droga. Trè altri parsoni sò stati imprighjunati di nuvembri, pà issu cartulari sempri.
Di a stessa manera, u GIR, cù i ciandarmi di a SR d’Aiacciu, hà intarpillatu ottu parsoni à mutivu di sbianchera d’un affari di trafficu di droga. Trè parsoni sò stati imprighjunati è sò stati presi più di 100 000 € d’avè criminali », hà pricisatu Nicolas Septe.
