Les buralistes de Corse inquiets face à la dérégulation de la circulation des cigarettes dans l'Union Européenne
Dipoi u primu d’aprili, a francia hè stata custretta à metta si in cunfurmità cù a legi aurupeana, è l’hà fatta a finita cù i limiti strinti ch’idda t’avia pà u trasportu di sigaretti da i paesa di l’Unioni Aurupeana.
A francia hè ancu andata da culandi à i dumandi di Bruxelles chì, di fatti, ùn ci n’hè più limiti à chjocca pà i sigaretti, sigari è sigaruchji, pà un francesu chì vultaria da un paesu di l’Unioni.
U guvernu laca à i forzi di l’ordini a pussibilità di difinì ciò chì hè cunsumazioni parsunali è ciò chì hè trafficu.
Vali à dì chì, cù i sigaretti guasgi dui volti menu cari in Italia, è cù i dodici chilomitra chì spiccani a Corsica è a Sardegna, sò impinsiriti bè i tabaccaghji corsi.
Dicini iddi chì à vendita à l’appiattu di sigaretti hè stata aghjà signalata in u Fretu.
Issu dirigulamentu è a rimpattera cù i prezza llu cuntinenti sò in traccia di distabilizà u mistieri, dici a federazioni di i tabaccaghji di Corsica.
Steti à senta u so prisidenti, José Oliva.
Sur le même sujet
