La Ligue des Droits de l'Homme quitte le collectif "Pour une paix juste et durable au Proche-Orient"
In Corsica quant’è in francia, affaccani i liti in i gruppi di sustegnu à a Palistina.
Passata a mubilisazioni di sabbatu in Aiacciu, è intesi calchì presi di parolla, a Liga di i Dritti di l’Omu di a Corsica hà dicisu senza altru d’escia da u cullittivu « Pour une paix juste et durable au Proche-Orient ».
A Liga, chì « cunsidarighja ch’iddi ùn si poni adimetta certi presi di parolla chì, mentri iss’accolti è strada facendu, ni ghjunghjini à minimizà l’attaccu di u Hamas di u setti d’uttrovi, è ancu à dì ch’iddu ùn si tratta chivi chè di una manipulazioni è una prupaganda israeliana », ramenta a prima frasa di u scrittu chì fundò u cullittivu di dicembri di u 2023 : « ugni vita conta, è cundannemu ugni criminu di guerra è ugni criminu contru à l’umanità qual’ch’iddi sichini, quiddi di u Hamas è quiddi d’Israela ».
Una volta di più, faci a Liga u custatu d’una pusizioni cambiarina in cori à u cullittivu, par ciò chì tocca à a dumanda di « libarà subitu tutti l’ustaghji », scritta ancu idda in u ducumentu custitutivu di u cusì dittu cullittivu.
Rimarca chì issa dumanda ùn c’era, in a chjama à manifistà in Aiacciu di u 23 di marzu.
Dici a Liga ch’idda ùn hè a sola urganisazioni à essa si ni isciuta da u Cullittivu, è ch’idda cuntinuvighja a so azzioni.
