Inscription de l'autonomie de la Corse dans la constitution : vote à la quasi-unanimité sur deux points, majorité sur le troisième
Dopu à a filastrocca di i dibattiti senza fini è di i discussioni tecnichi è amministrativi, ch’ùn erani fatta fini chè a ripresa di quiddi ch’aviani attimpatu a siduta publica, l’assemblea di Corsica hà vutatu u scrittu didicatu à l’autunumia di a Corsica in a custituzioni.
U votu in trè parti hà pirmissu di sprima a variazioni di i pusiziunamenti.
A prima parti, quidda di a scrizzioni in a custituzioni di l’autunumia lla Corsica, hà fattu l’unanimità, cacciatu u votu di Josepha Giacometti.
Cusì n’hè statu dinò à a terza parti.
A siconda parti, quidda chì difinisci l’attribuzioni d’un puteri nurmativu pà a Corsica, l’ani vutata 49 eletti : quiddi di Femu a Corsica, di Cori in Fronti, d’Avanzemu, Pierre Ghionga, è trè eletti di dritta, vali à dì Valérie Bozzi, Cathy Tognetti-Turchini è Charlotte Terrighi.
Un’eletta di drittta, Angèle Chipappini, si hè astinuta.
L’altri eletti di dritta è Josepha Giacometti ani vutatu contru.
U scrittu, in a so intigralità, hè statu dunqua vutatu da una maiurità bedda solida, stesa sinu à una parti lla dritta.
Sur le même sujet
