Incidents de Mezzavia : l'ACA veut repartir sur un nouveau projet avec ses supporters
(A redazzioni d'Alta Frequenza) - Cumencia à calà a tinsioni dopu à u derby aiaccinu è l'incidenti mentri è dopu à u scontru di ballò in Mezavia vennari scorsu. Ind'è l'AC Aiacciu, si sà, u club hà annunziatu a so vulintà di scluda u gruppu L'Orsi Ribelli da u stadiu François Coty. Chjamatu stamani, u vici presidenti Alanu Orsoni stima chì u gruppu hè statu infiltratu da agitadori chì ani raghjuntu L'Orsi Ribelli pocu fà. Brama oramai di parta nant'à basi novi è sani inghjiru à un prughjettu novu. I dirighjenti sperani di pudè scuntrà i sustenidori da quì à pocu pà custruiscia ssu prughjettu arrimbatu à a signatura di una cartula etica. Ss'ultima sarà imposta in tutti i casi in un futuru vicinu da a LFP.
Steti à senta à Alanu Orsoni, vici presidenti di l'ACA chì faci dinò parti di u cunsighju d'amministrazioni di a LFP.
L'intervista sana (10 minuti) sarà diffusata stasera inde a nostra emissioni C'est le Foot à partasi da 7 ori.
Sur le même sujet
