Importante mobilisation pour sauver le GFCA Football
Ghjovi in Aiacciu, hè stata impurtanti a mubilisazioni in sustegnu à u GFCA, missu in piriculi da i turburi economichi è ghjudiziarii.
Sustinitori, famiddi, parsunalità spurtivi d’oghji è di tandu si sò accolti à torru à u stadiu Ange Casanova, par dì chì u Gaz devi campà è cuntinivà à fà sunnià.
Pà Dumenicu Catalini, u prisidenti di i Socios di u GFCA, ci voli à strutturà l’aiutu chì i sustinitori è i dunatori volini purtà à a squadra. Senza mancu cuntà a squadra prima, u GFCA hè una rifarenza suciali è famigliali par più di 300 ziteddi.
Steti à senta à Dumenicu Catalini, chì parla di u impegnu di i Socios in cori à u GFCA, è di l’azzioni d’oghji.
Da cumplittà l’azzioni di i socios, hè stata missa in anda una bussuletta via Leetchi.
Permetti d’accodda – senza mancà di chjarura – uni pochi di solda, ma ancu di sinsibilizà à a situazioni lla squadra, masimu quidda lla sizzioni di i ghjovani.
Par casu ch’iddu sparisca u GFCA, 340 ziteddi sariani privi di sport, di liendula suciali ma ancu di a so famidda di cori.
I parenti ùn la poni accittà, issa situazioni, ed eccu parch’iddi sò tanti à mubilizà si.
Steti à senta i spiicazioni di Francou Serpaggi Leonardi, chì hè à l’iniziativa di a bussuletta Leetchi è di a mubilisazioni di i parenti.
L’amicali di l’anziani di u GFCA si hè mubilizata ancu idda da porghja aiutu. Voli purtà a so spirienza è i so cuntatti à issa squadra chì hà fattu sunnià uni pochi di ginirazioni.
Steti à senta à Jean-Jules Miniconi.
Sur le même sujet
