Football (Ligue 2) - L'ACA s'offre Saint-Etienne avec la manière et se rassure (2-0)
Photo : Jean-Noël Casanova
Dopu à u scontru contru à Saint Etienne, l’AC Aiacciu hè isciutu da u tarrenu sciaccamanatu da u so publicu ritrovu : eccu ciò ch’iddu ci voli à ritena, forsa, d’issu sabbatu dopu meziornu à u stadiu Michel Moretti, pà issa 32esima ghjurnata di u campiunatu di siconda divisioni.
Custretti à assicurà u so mantinimentu dopu à uni pochi di risultati nigativi, l’aiaccini ani ritrovu fiatu è gioia dopu à issu scontru contru à Saint Etienne, squadra invinta dipoi u trè di frivaghju.
I Bianchi è Russi, fendu valè un beddu carattaru, s’ani buscu un calciu di riparu dopu à 17 minuti di ghjocu, ch’iddu mittia d’altrondi Christopher Ibayi.
Piddendu cunfidenza cù issu marcu, l’aiaccini ani ritrovu u so ghjocu è ancu u so impegnu, Vidal rimittindu di capu a biscica in a cabbia, dopu à un calciu d’angulu è ghjustu innanzi à u posu.
À dui à zeru, l’aiaccini si sò cuntintati d’assicurà a so difesa contru à una squadra ch’ùn n’hà trovu suluzioni longu à issa partita.
È cù un ghjocu à pena più ghjustu, l’aiaccini avariani ancu pussutu marcà dinò.
Par contu soiu, François-Joseph Sollacaro hà riisciutu, una volta di più, a so partita.
Cù issa vittoria, l’ACA s’alluntana un pocu da a parti piriculosa lla classifica, ma ferma sempri u travaddu.
Cù iss’impegnu chivi, si pò avè calchì spiranza pà a fini di a staghjoni.
Sur le même sujet
