Bastia : six personnes mises en examen dans le cadre d'une affaire de stupéfiants
Dopu arristati è missi in guadia à vista parichji parsoni marti, a pracura di Bastia, via u pracuratori lla ripublica Jean-Philippe Navarre, hà spiicatu ciò ch’iddu n’era di u seguitu ghjudiziariu d’iss’affari.
À senta lu, « scuparti i droghi dopu à u intarventu di i pulizzeri in u quadru d’una liti in famidda in Bastia, hè stata aparta una infurmazioni ghjudiziaria u 7 di nuvembri llu 2023, à mutivu d’associu di malfattori, trafficu di droga, sbianchera di solda è non ghjustificazioni di risorzi da parsoni in rilazioni cù quiddi chì fecini iss’infrazzioni.
Via a cumissioni rugatoria d’un ghjudici di struzzioni llu tribunali di Bastia, ottu parsoni sò stati intarpillati marti. Sei di quissi – trà i quali quattru sò tocchi da una riquisizioni lla pracura par essa missi in ditinzioni pruvisoria – sò stati difariti à issu ghjornu, da essa missi in asaminu.
Cundutti da a divisioni lla criminalità tarrituriali di a DIPN llu Cismonti, cù l’aiutu di a brigata di ricirca è d’intarventu, è quiddu di a brigata anticriminalità di a ceddula PIAC SIPJ di u Cismonti, iss’uparazioni ani pirmissu a colta di 9,45 chilò di pecia di
canapu, 141 grammi di cucaina, 133,5 grammi d’arba di canapu, solda liquidi ma ancu 23 veiculi, trà i quali trè vitturi, dui jet-schì è parichji scooter è motò.
Sur le même sujet
