Abdelkarim Zerouali condamné à 20 ans de réclusion par la cour d'assises de Bastia pour plusieurs viols sur mineures
Abdelkarim Zerouali hè statu cundannatu à vinti anni di prighjunia da a corti d’assisi di Bastia, par avè fattu trè furzaturi sissuali è una prova à nantu à parsoni minori.
Hè statu assoltu pà un’altra furzatura ind’iddu era accusatu.
Tutti i fatti mintuvati sò successi in i circonda bastiacci trà u 2017 è u 2020.
Abdelkarim Zerouali intrappulaia i so vittimi in una vittura sarrata à chjavi, in calchì locu scantatu, po’ i minacciaia è i furzaia.
L’avucatu ginirali avia dumandatu trenta anni di prighjunia.
Fatta fini, hè statu cundannatu à vinti anni. I dui terzi d’issa cundanna sò peni di sicurtà.
L’hè ancu difesa di stà in Corsica par deci anni è di piddà cuntattu cù i vittimi.
L’hè stata imposta d’essa suvitatu à liveddu sucioghjudiziariu.
