Volley (Ligue B) - Première manche de la finale ce soir pour le GFCA face à Cannes
In Liga B di volley, duvaria essa pienu marcuri à sera u Palatinu, pà a prima parti lla finali trà u GFCA è Cannes, i dui primi squadri di u campiunatu.
Dopu ad avè fattu una bedda staghjoni rigulari, i dui squadri si ritrovani pà issa finali aspittata da i dui bandi di u Maritarraniu.
A prima parti si faci dunqua in Aiacciu.
À chì vinci issa finali sarà campionu, ma supr’à tuttu cuddarà in Liga A.
Frédéric Ferrandez, l’addistradori aiaccinu, hà da pudè cuntà à nantu à una squadra solida, chì hà sappiutu gistì bè a mezafinali contru à Cambrai.
Contru à Cannes, squadra bedda ricca, l’aiaccini ùn sò à veru i favuriti.
Ma a capacità di fà calchì prova l’ani !
Qual’ch’iddu sichi u risultatu di sta sera, u scontru di duminica in Cannes hà da essa impurtantissimu.
Sta sera à u Palatinu, a partita cumencia à ottu ori.
