Vitesse abaissée à 80 km/h sur les routes secondaires : quel est le véritable objectif de cette mesure ?
(A redazzioni d'Alta Frequenza) - A misura di u guvernu sarà lanciata u 1a di lugliu : a limitazioni di vitezza nant'à i stradi sicundarii sarà dunqua calata da 90 à 80 chilometri à l'ora. Ci voli à pricisà ch'ella ùn cuncirnarà micca i dui volti dui vii. Dopu una sparienza chì u Prima ministru Edouard Philippe hà qualificatu di bona duranti dui anni inde quattru dipartimenti, u guvernu dà dunqua dui anni da fà chì ssa misura inghjinnessi risultati pusitivi di manera generalizata. U scopu : salvà à pocu pressu 400 viti ogni annu nant'à i stradi di Francia. Una misura chì ùn faci mancu appena l'unanimità, frà altru ind'è i prufiziunali di a strada, chì ci duvarani stà di più; un affari chì pudaria raprisintà spesi in più pà l'intrapresi, aldilà di quilli di u Statu pà metta in ballu tuttu u dispusitivu. Pà Ceccè Buteau, chì faci parti di u Cunsighju Naziunali di i Mistieri di l'Automobili è chì raprisenta l'autoscola Guida Corsa in Aiacciu, s'è ssa misura hè soca pusitiva inde a perspettiva di riducia a murtalità nant'à i stradi, temi inveci ch'ellu si trattessi soprattuttu di un'uparazioni di cumunicazioni.
Steti à senta à Ceccè Buteau.
Sur le même sujet
