Visite de "Madame Corse" : les attentes du député Paul-André Colombani
(A redazzioni d'Alta Frequenza) - Jacqueline Gourault, a ministra pà u ministru di Statu, ministru di l'Internu, hè in Corsica ssu vennari. In u prugramma di a so ghjurnata, un scontru aiaccinu cù i parlementarii, u presidenti di u Cunsighju Esecutivu, u presidenti di l'Assemblea di Corsica eppo i raprisintanti di l'urganisimi sociuprufiziunali è u merri d'Aiacciu. Una visita chì intarveni solu dui ghjorni dopu à a stallazioni di a Cullittività di Corsica nova è a so maghjurità naziunalista. Pà Paul André Colombani, diputatu di u sicondu circondu di Corsica Suttana, prisenti marti in u Grand Hôtel, pà a seenza di stallazioni, ci voli oramai chì i rilazioni cù Parighji ùn sighini più à sensu unicu. A Corsica hà mandatu un missaghju chjaru à u guvernu duranti l'ultimi alizzioni, è ci voli chì ssu missaghju sighi intesu è ascultatu.
Steti à senta à Paul André Colombani.
