Visite de la Secrétaire d'Etat au Commerce et à l'Artisanat: la colère du monde économique corse
(A redazzioni d'Alta Frequenza) - Una dillusioni ! Ss'infrasata hè vultata à più pudè dopu a visita in Corsica di a Secretaria di Statu à u Cummerciu è à l'Artisgianatu, Martine Pinville. In fatti, dopu una ghjurnata longa di travaghju, cù visiti nant'à u tarrenu dinò, era maiò a dillusioni dopu à l'annunziu da a ministra di i misuri ritinuti da u guvernu pà pruvà à arrigulà à u più i difficultà di l'intrapresi chjuchi è mezani di Corsica. Una cellula di ricerca di i difficultà, una dumanda ind'è i banchi dumandenduli di più "cumprensioni", una cacciamossa urganizata contr'à tutti i formi di fraudi liati à u travaghju, è infini un inviluppu di 20 millioni d'auri ghjunghjendu da u PEI sò stati annunziati da Martine Pinville. François Gabrielli firmarà soca a parsona da quali hè ghjuntu u scandalu. In fatti, dopu à l'annunziu di ssi misuri, u presidenti di a Camara di i Mistieri di Corsica Suttana hà fattu cunnoscia a so scuntintezza forti. Hè andatu ancu abbastanza luntanu ind'a minaccia d'urganizà propiu in furia una "rivolta" contr'à u guvernu.
U stemi à senta.
