Visite de Jean-Michel Baylet et collectivité unique : réaction de Pierre-Jean Luciani
(A redazzioni d'Alta Frequenza) - A fini di u "prucedimentu Baylet" da quì à pocu ? Pudemi dì guasgi, dopu a visita di u ministru di l'Accunciamentu di u tarritoriu nant'à l'isula pà ssu principiu di simana. A riforma istituziunali pà a Corsica, vali à dì a criazioni di a cullittività unica à u 1a di ghjinnaghju di u 2018, si faci soca pianament'è bè grazia à un travaghju arrimbatu nant'à u cumprumessu trà l'isula è Parighji cuncirnendu i famosi urdinanzi finanziaria, fiscali è istituziunali. U presidenti di u Cunsighju Dipartimintali di Corsica Suttana, uppostu duranti un tempu longu à a nascita di a cullittività unica, hà raghjuntu infini calchì simana fà i so partinarii di u dipartimentu di Corsica Suprana è di a CTC par avanzà oramai manu ind'a manu. Pierre Jean Luciani hà vulsutu ripeta torna malgradu tuttu u so discorsu classicu à u ministru Baylet cuncirnendu l'inchietudini ch'ellu amenta pà ciò chì tocca l'avvena di i tarritorii è di l'agenti di i cullittività cuncirnati.
Steti à senta à Pierre Jean Luciani.
