Une salle de repos à Paris-Orly : L'initiative bienvenue de l'Association Inseme pour les patients corses
Marcuri, via i reti suciali, l’associu Inseme hà fattu sapè ch’idda era oramai aparta, in l’aeruportu di parigi-orly, una sala di riposu pà i parsoni custretti à viaghjà par pinseri di saluta.
Hè missu cusì à dispusizioni iss’arnesi novu, da middurà u passaghju di i pazienti corsi in l’aeruporti : l’attesi, à spissu longhi è difficiuli, portani certi volti i parsoni à rinuncià à i so midicaturi.
Da risponda à issi prublimatichi, l’associu hà vulsutu apra un locu di rifiatu pà i parsoni custretti à mova si ni in parigi. Cusì n’hè statu dinò pà Marseglia in u 2017, è par Nizza in u 2023.
In issu spaziu novu, ci si trova :
- Un locu apposta pà i ziteddi.
- Un locu par pudè manghjà, cù in a cucina un laveddu, un rifritoghju è un furru à micro ondi.
- Un locu di riposu cù un canapè è un futtogliu.
I parsoni chì vurriani prufittà d’issu sirviziu devini chjamà l’associu, via u numaru verdu
0800 007 894 (a chjama hè gratisi). Dopu mandatu, via mail o SMS, una fotò di u bonu di passaghju à u spidali o di u ghjustificativu di cunsultazioni, pudarani riceva u codici da apra a porta.
Sur le même sujet
