Une jeune femme sauvée par les forces de l'ordre suite à un enlèvement en Haute-Corse
(A ridazzioni d'Alta Frequenza) - Issu vennari matina, una ghjuvanetta, nata in Ruminia, hè stata rapita à nantu à a cumuna di Lucciana. À senta à a prucuratrici di a ripublica di Bastia, Caroline Tharot, l'inchiesta fatta da a ciandarmaria hà pirmissu di lucalizà a vittima è u rapitori prisuntu in una casa di Porri, in Casinca. In mità di dopu meziornu, l'assaltu hè statu datu da i ciandarmi, da libarà a vittima. In stu mentri, u rapitori prisuntu s'hè tumbu, i succorsi dendu attu di a so morti mentri u so trasportu versu u spidali. Un altru omu hè statu missu in guardia à vista da sapè s'idd'hè impignatu in issu rapimentu. L'inchiesta n'hè sempri à u so principiu.
